salamat sa mga nakaalala

2005-03-29T15:00:00.000-08:00

salamat sa lahat ng nakaalala ng aking kaarawan, lalo na ang klase ng 2A-joshua santos at jesma rellosa, 2D-dino placino, karl tan, quico munoz, joseph teoxon, vince villacorte jaryd bello,franz castaneda, 2H-mark manuel, mark mendoza, patrick gonsalez, jerwyn forbes at vincent caballes, sa lahat ng co-teachers ko, ms rubi, ms jo-anne, ms conch, ms rhea, ms tin, ms kate, ms alvie at ms mitch. kayo ang dahilan kung bakit naging masaya ang aking kaarawan!
salamat talaga ng napakarami!

Paalam 2a, 2c, 2d, 2h at 2g

2005-03-10T16:30:00.000-08:00

Sa parte ng ating buhay, palaging masakit ang paalamanan. Isang taong-aralan na naman ang lumipas, ang malungkot nito kailangan na naman akong magpaalam sa mga mag-aaral kong nakasama sa loob ng isang taon. Siyempre, maraming alaala ang nakasalamuha nating lahat. Paano ko nga ba sisimulan?

Balikan natin ang unang araw ng ating pagkkikita. Natatandaan nyo pa ba ang lata ng royal na konti lamang ang laman? Kumusta na ang mga lata ninyo? Ang inyong mga isipan? Nadagdagan ba ng taong nagdaan?

Meron pa bang nakaaalala ng pagkakahon? Patuloy pa rin ba kayong nagkakahon? o nagpapakahon? Minsan iniisip ko rin kung bakit gayon na lamang ang nararamdamang panibugho ni Adolfo kay Florante, marahil sapagkat sobrang taas ng tingin nila sa prinsipe. Isipin natin na anumang bagay na sobra, mabuti man o masama, basta sobra ay nagiging lason. Iyon siguro ang dahilan ni Adolfo, naghangad siya nang sobra, nagbunga lamang ng kanyang kamatayan.

Sorry sa inyo na nabigyan ko ng VR, SDR. Sa ilan sa inyo na aking pinalabas sa klase, o kaya'y nasigawan, napagalitan at binagsak sa qtr grade.

Panahon din ito ng pasasalamat.... Salamat sa nakaraang Linggo ng Wika, sa pagbabahagi ng inyong mga talento sa buong klase nang game na game kahit pa sa harapan ng inyong mga guro. Isang linggo talagang naging masaya ang buong paaralan nang araw na iyon.

Salamat din sa mga regalong natanggap ko noong nakaraang Pasko. May panyo, cap, mug, socks, polo, wallet, hamon, keso de bola, parker pen atbp. Maliit man ang ilang bagay sa mga iyon, aminin ko man o hindi sa inyo, isa kayo sa dahilan kung bakit naging masaya ang aking Paskong nagdaan.

Salamat sa mga nagbigay ng palanca letters noong nag-reco kaming mga titsers ninyo sa Tagaytay. Bola man o totoo ang mga nakasulat sa mga letters ninyo, alam niyo bang sobrang pinaluha ninyo ako nang araw na iyon?

At higit sa lahat, salamat sa kulitan, sa biruan, sa lokohan, minsan pa nga ay nagkakapikunan, sa seryosohan, sa pag-aaral ninyo sa klase ko lalo na kung may mga pagsusulit. Salamat sa pagpapahalaga at paggalang.

Pagbutihin pa ninyo ang pag-aaral pag-akyat ninyo sa 3rd yr., at ipagpatuloy natin nang sabay-sabay na palaganapin ang wikang Filipino. Pagpalain nawa kayo ng POONG MAYKAPAL.

Birthday ko sa March 23

2005-03-08T16:56:00.000-08:00

kaso mahal na araw, kaya kailangang magtika

Sir Jolobs

salamat sa mga nakaalala

Paalam 2a, 2c, 2d, 2h at 2g

Birthday ko sa March 23